Hárgreiðslumeistarinn Ingibjörg Sveinsdóttir er eigandi Ungfrú Reykjavík á Hafnartorgi. Ungfrú Reykjavík er hárgreiðslu- og snyrtistofa sem tengir saman hár, fegurð og félagslega upplifun.

„Ástríða mín hefur alltaf verið að vinna með höndunum og ég hafði rekið hárgreiðslustofu um árabil en þegar við fengum ekki að vinna í Covid þá fór ég að hugsa hvað ég gæti gert sem væri nýtt og spennandi. Ég myndi því segja að þetta hafi verið vel nýtt Covid-frí og framkvæmdin varð stærri og meiri en ég hefði getað ímyndað mér.“

„Hárbarir eða Drybar eins og þeir eru kallaðir á ensku hafa ekki tíðkast á Íslandi áður en eru mjög vinsælir í mörgum erlendum borgum og mér fannst vanta þá þjónustu hér. Nú geta viðskiptavinir komið og látið þvo á sér hárið, fengið blástur, eða farið í litun, plokkun, handsnyrtingu eða fótsnyrtingu á meðan liturinn bíður í hárinu. Eins fannst mér vanta snyrtistofu í bæinn og við bjóðum upp á förðun og greiðslur líka. Hér geta vinkonuhópar komið og haft sig til, fengið sér búbblur og notið samverunnar meðan þær gera sig fínar.“

„Erlend kona hafði orð á því við mig um daginn að hún ætti ekki einu sinni sjampó, því hún fer í hverri viku og lætur þvo og blása á sér hárið. Þetta er þjónusta sem margar erlendar konur eru vanar að fá og er loksins boðið upp á hér á Hafnartorgi.“

„Það sem er mest gefandi við starfið er fólkið sem ég hitti á hverjum degi. Það er svo lifandi og mikil forréttindi að starfa við draumadjobbið og svo eru alltaf einhverjar nýjar og spennandi áskoranir.“

„Við höfum leigt Ungfrú Reykjavík út fyrir brúðir og fylgdarlið hennar og þá eru hér veitingar og kampavínsfötur og allir geta verið saman að hafa sig til fyrir stóra daginn. Svo ganga þær jafnvel yfir í Dómkirkjuna og í veisluna á Borginni, staðsetningin er alveg fullkomin hvað það varðar.“

„Fyrir nokkum árum var það gjarnan þannig að konur fóru heim eftir vinnu til að hafa sig til og voru jafnvel ekki komnar í bæinn fyrr en eftir miðnætti. Núna vilja margir vera komnir heim fyrir miðnætti og fara strax út á lífið eftir vinnu. Veitingastaðir opnuðu jafnvel ekki fyrr en eftir fimm en nú er vinsælt að bjóða upp á búbblubröns og algengt að fara út í hádeginu um helgar. Þá er mikilvægt að stilla sig inn á það sem þjóðfélagið kallar eftir hverju sinni og við höfum því þjónustað þennan hóp vel og höfum líka opið á laugardögum.“

„Mér finnst Hafnartorg svo spennandi og hækkar standardinn í bænum. Hér er allt til alls fyrir fólk sem vill gera vel við sig og ekki skemmir fallega svæðið við höfnina fyrir og útsýnið ekki af verri endanum.“

Hafðu samband

Til leigu

Vöktun

Til leigu

Vöktun

Hafðu samband

Til leigu

Vöktun

Hafðu samband

Til leigu

Vöktun

Hafðu samband

Til leigu

Vöktun

Til leigu

Vöktun

Til leigu

Vöktun

Hafðu samband

Sög­ur af við­skipta­vin­um

Sögur af viðskiptavinum