Söluferli á öllu hlutafé í Reginn A3 ehf. sem á og leigir út verslunarhúsnæði á höfuðborgarsvæðinu er lokið. Ekkert viðunandi tilboð barst í hlutaféð að mati seljanda.

Vilji eigenda stendur þó áfram til þess að selja hlutafé félagsins og verður það gert þegar hagstæðari skilyrði skapast. Reginn A3 ehf. er í eigu Regins ehf., dótturfélags Landsbankans.

Söluferlið hófst með auglýsingu 23. nóvember og var það opið öllum áhugasömum fjárfestum sem sýnt gátu fram á fjárfestingargetu að upphæð 350 milljónir króna auk þess sem lýsa þurfti reynslu og þekkingu af sambærilegum viðskiptum, samkeppnisstöðu á fasteignamarkaði og verðhugmynd fyrir hlutafé Regins A3 ehf. Lokafrestur til að skila inn bindandi tilboði rann út 20. desember 2010.

Fasteignir Regins A3 ehf. eru nær einvörðungu leigðar til aðila er stunda smásölurekstur á höfuðborgarsvæðinu. Félagið er með 24 leigusamninga við 19 leigutaka. Heildarfjöldi útleigðra fermetra er tæplega 7.800.

Allar upplýsingar um söluferlið og eignir Regins A3 ehf.