Um árabil hefur Smáralind haldið Pakkajól þar sem fólk er hvatt til að láta gott af sér leiða og kaupa eina auka jólagjöf til að setja undir jólatréð í Smáralind.  Fjölskylduhjálp Íslands, Mæðrastyrksnefnd og hjálparstarf Kirkjunnar sjá um að koma pökkunum til þeirra sem á að gleðja.  Íslandspóstur hefur í gegn um árin lagt  verkefninu lið og komið pökkum af landsbyggðinni til skila í Smáralind án endurgjalds.  Starfsfólk Smáralindar hefur á undanförnum árum fundið mikinn samhug með landanum og það er greinilegt að þeir sem geta eru tilbúnir að leggja sitt af mörkum þegar kemur að því að aðstoða náungann þegar líða tekur að hátíð ljóss og friðar.  Við vonum að Pakkajólin þetta árið verði jafn gjöful og gleðileg og undanfarin ár.

Hægt er að kynna sér opnunartíma Smáralindar og aðrar upplýsingar á smaralind.is