Almenna verkfræðistofan hf. fyrir hönd Regins ehf. leitar eftir áhugasömum aðilum til að taka þátt í alútboði fyrir hönnun og byggingu kvikmyndahúss í Egilshöll að Fossaleyni 1, Reykjavík. Um er að ræða yfirtöku á framkvæmdum við stækkun Egilshallar sem stöðvuðust haustið 2008. Viðbyggingin er skráð 7.378 fermetrar að stærð á þremur hæðum og kjallara og er ætlað að hýsa fjóra sýningarsali í kvikmyndahúsi. Væntanlegur alverktaki mun taka við húsinu í því ástandi sem það er nú, ásamt hönnunargögnum sem fyrirliggjandi eru hjá byggingarfulltrúa.

Helstu upplýsingar um útboðið

• Afhending útboðsgagna: 21. desember 2009
• Áætlað upphaf verks: 1. febrúar 2010
• Verklok: 15. ágúst 2010
  

Áhugasamir geta óskað eftir forvalsgögnum á rafrænu formi með því að senda tölvupóst á netfangið emil@almenna.is. Umsóknum skal skila á skrifstofu Almennu verkfræðistofunnar hf., Fellsmúla 26, 108 Reykjavík eigi síðar en mánudaginn 14. desember 2009 kl. 12:00.