Baðhúsið hefur opnað stórglæsilega heilsulind fyrir konur í vesturenda Smáralindar. Í Baðhúsinu geta konur á öllum aldri hugað að líkama og sál en þar er og verður frábær líkamsræktaraðstaða með þremur æfingasölum og fullkomnum tækjasal búin Technogym tækjum. Einnig verður þarna glæsilegt spa-svæði með snyrti- og nuddstofu þar sem viðskiptavinirnir geta notið þess að slappa af og hvíla sig í afslöppuðu og notalegu umhverfi. Baðhúsið verður opnað í nokkrum skrefum en búið er að opna þrjá æfingasali og búningsaðstöðu. Innan skamms mun svo tækjasalurinn og spa-svæðið opna. 

Glæsileg hönnun

Útlit Baðhúsins er allt mjög glæsilegt og áhersla lögð á notalegt andrúmsloft. Mikill glamúr er í hönnuninni en meðal annars hefur verið reistur bronslaga skúlptúr í anda Chanel rósarinnar. ASK arkitektar sáu um hönnunina en Guðlaug Jónsdóttir arkitekt hannaði útlitið.