Það er búið að ganga mikið á í ýmsum eignum Regins nú í morgun og þá sérstaklega í Egilshöll. Tjónið þar er nokkuð mikið og er um 40% af yfirborði þakklæðningar og einangrunar farin af Kvikmyndahöllinni. Tveir stórir þakblásarar farnir og rufu þeir gat á þakið. Það er einnig nokkurt tjón inni m.a. á kerfisloftum sem og vatnstjón.  Það er búið að ná fullri stjórn á ástandinu og eru verktakar komnir á staðinn og efnisöflun lokið, er það er eitt það flóknasta í svona stórum mannvirkjum. Það eru allar líkur á að öll starfsemi verði í fullum gangi í húsinu í dag sem og bíóinu seinnipartinn.
Tjón varð einnig í Smáralind (Norðurturni) en þar fauk loftræsissamstæða. Einnig hafa flísar sprungið upp í Tívólí Smáralindar, sennilega vegna mikillar hreyfingar á húsi. Á Íshellu 8 (Promens verksmiðja) fauk lítill hluti þaksins. Á Vínlandsleið (Húsasmiðjan) fóru nokkrar reyklúgur úr þakinu. Það eru eflaust tjón á fleiri stöðum sem eiga eftir að koma í ljós.
Við teljum okkur vel tryggð fyrir þessum tjónum öllum.