Nýr leigutaki mun bætast við í Egilshöll á komandi vikum. Sólbaðsstofan Sælan mun opna sólbaðsstofu á næstu dögum á 1. hæð Egilshallar við hlið World – Class. Um er að ræða alls átta bekki auk nýjunga sem ekki hafa sést áður á íslenskum markaði.

Sælan bætist þá í hóp nýrra leigutaka í Egilshöll, en í mars tóku nýir rekstraraðilar við rekstri Keiluhallarinnar.

Auk nýrrar starfsemi er mikil og góð starfsemi í húsinu alla daga vikunnar þar sem yfir 3.000 manns sækir þjónustu vegna íþróttastarfsemi og afþreyingu af ýmsum toga.