Smáralind var efst í flokki verslunarmiðstöðva í niðurstöðum Íslensku ánægjuvogarinnar en verðlaunin voru veitt við hátíðlega athöfn á Grand Hótel í morgun. Smáralind fékk einkunina 71,59 af 100 mögulegum.
Íslenska ánægjuvogin er í eigu Stjórnvísi og könnunin er framkvæmd af Zenter rannsóknum. Markmiðið er að mæla ánægju viðskiptavina gagnvart fyrirtækjunum en einnig er horft til annarra þátta eins og ímynd, mat á gæðum og tryggð viðskiptavinanna.
Starfsfólk Smáralindar og Regins eru afar þakklát fyrir þessa viðurkenningu sem rekstraraðilar í Smáralind eiga stóran þátt í. Við munum svo sannarlega nýta þetta sem hvata til enn betri verka á næstu misserum.