Þann 14. febrúar s.l. sendi Reginn, frá sér tilkynningu  um samkomulag um leigu og samþykki á tilboðum um kaup á fjórum fasteignafélögum með fyrirvörum.   

Þegar hefur verið tilkynnt  um kaup á þrem af fjórum fasteignafélögunum. 

Undirritaður var kaupsamningur milli Regins og Vist ehf.  í dag, 26. september og hefur þá verið gengið frá kaupum á öllum fasteignafélögum sem var getið í fyrrnefndri tilkynningu.  Fasteignir Vist eru Ármúli 4 og 6 í Reykjavík, Kaupvangur 3b, Fljótdalshéraði, auk hluta í Austurveg 10, lóð við Austurveg 8a, Árborg og Hafnarstræti 1, Ísafirði. Stærð eignarhlutar fasteigna félagsins er um 4.200 m².

Kaup þessi fylgja fjárfestingastefnu Regins sem felur í sér að auka hlut félagsins í skrifstofuhúsnæði.