Í gær, 11.júlí, var undirritaður leigusamningur við Mentor um eina hæð í Fellsmúla 26 í Reykjavík. Samningurinn er til 3 ára og er ráðgert að fyrirtækið flytji starfsemi sína í mánuðinum.

Mentor hefur þróað upplýsingakerfi sem er notað af skólum, sveitarfélögum og íþróttafélögum í nokkrum löndum. Mentor kerfið er heildstætt upplýsinga- og námskerfi fyrir alla sem starfa með börnum í skólum og tómstundastarfi. Nýlega var Mentor valið eitt af þremur framsæknustu tæknifyrirtækjum í Evrópu á sviði menntunar á ráðstefnunni EdTech Europe 2013. Sjá meira á heimasíðu fyrirtækisins hér.