Norðurlandamót í listhlaupi 2013 í Egilshöll
1.2.2013
Setning Norðurlandamótsins í listhlaupi fór fram í Skautahöllinni í Egilshöll í gær. Mótið hófst með glæsilegri opnunarhátíð þar sem Katrín Jakobsdóttir, mennta- og menningarmálaráðherra opnaði mótið eftir fánahyllingu, og upprennandi skautarar frá skautafélögunum á höfuðborgarsvæðinu sýndu listir sínar.
Aðgangur er ókeypis og áhorfendur eru sérstaklega velkomnir á mótið og hvattir til að mæta, bæði til að hvetja okkar fólk og til að sjá mjög færa skautara sýna listir sínar.