Þann 5. september sl. gerði Reginn hf., kt. 630109-1080, Hagasmára 1, 201 Kópavogi,  hluthöfum í Eik fasteignafélagi hf., kt. 590902-3730, Sóltúni 26, Reykjavík, tilboð í allt að 100% hlutafjár í félaginu. Ein af forsendum tilboðsins var að samþykki fengist við tilboðinu frá eigendum 68% hlutafjárins að lágmarki. Frestur til að svara tilboðinu rann út kl. 16.00 í dag, föstudaginn 20. september án þess að framangreindu lágmarki væri náð og er tilboðið því fallið úr gildi. Reginn hf. hefur eftir sem áður áhuga á viðræðum við hluthafa Eikar fasteignafélags um kaup á félaginu eða samruna við Reginn hf.