Keiluhöllin í Egilshöll var formlega opnuð í dag og var fjölmenni við opnunina. Í keilusalnum eru 22 keilubrautir með öllum fullkomnustu tækjum og einnig matsölustaður, sportbar, kaffihús, og bistro. Sannkallaður fjölskylduskemmtistaður

Við opnunina voru Keilarar, starfsmenn, iðnaðarmenn, fulltrúar frá borginni, íþróttafélaginu Fjölni og fleiri.  Sr. Vigfús Þ. Árnason sóknarprestur Grafarvogsprestakalls flutti árnaðarorð og blessaði salinn áður en Rúnar Fjeldsted tók til máls,  og þakkaði þeim sem höfðu lagt hönd á plóginn og taldi niður í fyrstu formlegu keiluskotin.