Í dag 4. nóvember afhenti Kvikmyndahöllin ehf., dótturfélag Regins, Sambíóunum húsnæði undir nýtt kvikmyndahús í Egilshöll.

Eftir undirritun leigusamnings við Sambíóin var hafin framkvæmd við að ljúka við byggingu kvikmyndahússins, en gerður var alverksamningur við Sveinbjörn Sigurðsson hf.  sem sá um alla hönnun og framkvæmd á húsinu.

Með opnun glæsilegasta kvikmyndahúss landsins í Egilshöll, er stigið stórt skref í þá átt að ljúka við að gera Egilshöllina að þeirri afþreyingarmiðstöð sem lengi hefur verið stefnt að.