Stefna Heima hvað varðar staðsetningu og kröfur til eigna félagsins er skýr. Fjárfest er í skilgreindum kjarnasvæðum þar sem fólk getur lifað, leikið og starfað á sama svæði. Við höfum markvisst endurmótað eignasafnið okkar, selt stakar eignir og aukið áherslu á þéttbýl kjarnasvæði sem styðja við sjálfbærni, nútímalegt skipulag og breyttar þarfir neytenda.

67% fermetra í eignasafni Heima, sem telja 71% af leigutekjum félagsins, eru nú innan skilgreindra kjarna, þar á meðal Smáralindarsvæðinu, miðbæ Reykjavíkur, Borgartúni og miðbæ Garðabæjar.

Ávinningurinn er augljós: Sterk kjarnasvæði skapa lífvænleg samfélög, fjölbreytt tækifæri og aukið virði fyrir íbúa, umhverfið, viðskiptavini og fjárfesta. Mikil gróska er í uppbyggingu þróun á kjarnasvæðum okkar, frá fullri útleigu Höfðatorgs og nýjum skrifstofum í Smáralind til glæsilegs veitingasvæðis sem opnar í Smáralind árið 2025. Öll þróun er hugsuð til að byggja upp og styrkja samfélögin innnan kjarnasvæðanna sem svo eykur ávinning allra enn frekar.